تعالوا...بحكي...لكم...حتوته

موضوع: تعالوا...بحكي...لكم...حتوته 19/7/2008, 00:32

السلام عليكم ورحمة الله وبركاته

كيفكم عاملين إيه

شوفوا من دون مقدامات ولف ودوران

بسولف لكم عن ناس عايشين بالبر في وقتنا الحالي

طبعا انا اليوم الي عرفت بالهشي خالتي الله يسلمه عندنا وهي الي قالت لي

هم ناس راعين بر عايشين بخيام او بيت شعر يحبون النفاه ولا يرتاحون للعيش بالمدينه

أو حتى الهجر طول أعمارهم بهالبر عندهم غنم وابل ورعيان وهم بدو متحضرين

عندهم غسالات وحمامات وانتم بكرامه وتلفزيونات وستالايتات ودواليب مطبخ

وقزوز(جمع فرن)و أهم من هذه كله انه حريمهم وبناتهم يسوقون تقول خالتي اذا

صارت عزيمه عند وحده منهم تقوم وحده منهم توصلهم بسيارتها والله فله

ويرحون هالبني يرعون الماشيه والرجال بس شاطرين يستدحون

طبعا خالتي جالسه تسولف وانا طايحه فيها اسئله ومطيره عيوني كاني جايه من المريخ

لا بس تبون الجد غابطة هالبني على الحريه والإستقلاليه الي عايشينها

همن عاد قصت لي قصة واحد من الجماعه الله يرحمه كان يمشي بسيارته يطارد غنمه

عاد الله يرحمه غرز بسيارته وبلش بعمره وعجز يطلع السياره وهو بالبر بالخلا ماعنده

أحد الا يشوف سياره جايه مقبله ويستبشر خير يوم وقفت السياره الا وتطلع الي تسوقه

بنيه عاد هو فشل ياحول وهي تقوله حط المفتاح بالسياره وامش على رجولك لما توصل

الشجره الي قبالك خوينا الله يرحمه من الفشيله سمع الكلام ومشى ولا التفت لكنه

يسمع صوت السياره يوم شغلتها وشوي والي هي مطلعه السياره ماشاء الله عليه

عاد هي راحت ركبت سيارتها ورجعت عندها ابل تطارد وراه وهو ماجسر يروح لم

السياره الا يوم ابعدت سيارة البنيه بعدين راح عاد يلحق غنمه الله يرحمه...انتهى

عاد والله لو مااخاف اطول عليكم ولا عندي قصص واجد احكيها عليكم

بس فيه ناس عجازين مثلي ولا عندهم وقت يقرون وانا ابي الكل يقرا سواليفي

وبالختام اتمنى لكم قضاء اجمل الاوقات وانكم تتهنون بالإجازه وتستغلونه

بمايعود عليكم بالفائده