اللي يفارگ شخص مده وينساه
وشلون اذا تفارگ گلب منك والموت خذاه
هذا وكت مايرحم دنياه
وهذا شخص عمري كله بعد ما انساه
كل اوصاف الشجاعه والكرم بيه
وكل گلب ببغداد من مات بچه عليه
أسد الاسود شهامته
أرجل الرجال من اساسه
تهزّه الغيره من عرجه لحد راسه
تربّى عالوفى والطيب
شبهت امك بفاطمة الزهراء
وشبهتك انت نجم بالسماء
أدعو ربي بصلاتي يظمك بجنّة الفردوس
وصدگ خبرك اليوم داس على گلبي دوس
أتمنى بس أشوفك لو أعرف اگطع لحمي بموس
أختفيت بالحقيقه!!!
بس تظلّ عايش بداخلنا باحلى صوره
هذي امك بس تنوح
وربك بين البشر شلون غرّگ سفينة نوح
ما صارتلك عبره وانظميت باللوح
هديت الحيل وضاعت كلّ الاماني
وأمك توگف بعتبة البيت وتگول
هذا ((نبيل)) ما نساني
يا اسد 00 يا سبع 00 يا شهم
ياللس انت اقوى الزلم
شلون اوصفك اذا الشعر ينكتب من اوصافك
وبجمالك امزج الشعر يا حبيبي
من عيونك ليـــــــــش خطيت هواي؟؟؟
وما فكرت باللي جاي
أموت الف مره
بس اريد اشوفك بالحلم جاي
اگعد وي روحي واذكرّ طفولتك
وأسأل الوكت؟؟؟ ليــــــــــش هذا موتك؟؟؟
يظلّ صافن ويگوللي: أدري الفرح فاتك
حتى بالمدرسه اشطر الطلاب
وحتى ببيته واصدقائه وبلعبه دومه غلاّب
عاش بحنان بحظن امّه
ومـــــــــات بغدر وقسوه
ومالگه احد يظمه
أنت عندي شعار وكلك نجوووووم
ومن طحت صفت بيه بس الهموم
رحت وماگلت كلمة وداع
ومتت وآخ ربّي شلون رحت جوّه الگااااااااااع
الفاتحه على روح الشهيد الدكتور :
نبيـــــــــــل علي توفيق
مساعد رئيس الجامعه التكنولوجيه
اسألوا الله سبحانه وتعالى له الفردوس الاعلى
هذا الشعر بقلم
نـــــــــور العراق
15/8/2008, 01:09